مخنــوق ,,

مخنوق ومش عارف ده إحساس دايم

ولا مسيرى منه هفوق

مخنوق وانا صاحى وانا نايم 

ونفسى بجد أهدى وأروق

بعيش مهموم ومش عارف

أدوق النوم ولا قادر

أكمل يوم على بعضه .. وأنا فرحان

تعبت خلاص من الدنيا

بموت فى الثانية ميت ثانية

ومش ناقصة هموم تانية .. بجد حقيقى انا تعبان

وفاض بيا من الأحزان

ومش قادر اعيشها كمان

انا مش ملاك عشان أرضى .. دنا إنسان

ونفسه يعيش يومين فى هدوء

قلبـــى محتاجــك ،،

قلبى محتاجك اوى خدنى فى حضـــنـك

دانت الوحيد فى الدنيا قلبى إرتاح معــاه

محتاج أعيش علطول كدة جمب مـــنـك

ياحــــلم قلبــــى اللــى مصـــدق لقــــــاه

فــى الـدنيــا ديــا إنـت ليا العمـر كــــله

خدنى جمبك جمب قلبك أعيش فى ضـله

دنـا كل حاجـة كـانت فـى ايـدى سبتــها

مبـقاش لقلبـى غيـرك إنت اللى فاضــله

......

العمــر بيجــرى

العمــر بيجــرى وأنا سايبه يسابقنى

وسنين الفــرح خــدعتنى وســابتنى

مفيش غير حزنى عايش لسه جوايا

مازال مخلص ومش عايز يفارقنى

نفسى أبوح

أنــا عــاشــق .. لكن مجــروح

ونفـــسى تــرد فــيا الـــــــروح

مــخــبى جـــراحى ع الــعـالــم

وفـــاض بـــيا ونـــفسى أبــوح

بشهدلك ,,

وبشهدلك ,,

بعيش إحساس جميل جدا ..

وهفضل ليك على وعدى ,

ومش هسمح فى يوم نحزن ..

مسيرها تهون وهتعدى ,

بإذن الله هكون فعلا ..

زوج ,

طيــب ,

وفــــى ,

حنيـــــن ....

من قلبى ,,

ومن قلبى ,,

حابب تفضلى جمبى

ومهما الدنيا تهبدنى

هفضل ليكى على حبى..

ومش ممكن فى يوم أسكت

ولا هدارى ولا أخبى

عرفت الدنيا بوجودك

واتعلمت فيها احبى ..

عشقت العمر وياكى

وبتمناه مايعدى ....